Saturday, 3 August 2019

நாவல் பழத்தில் இவ்வளவு நன்மைகளா?



நாவல் பழத்தில் ஆரோக்கியத்திற்கு தேவையான ஊட்டச்சத்துக்கள் நிரம்பியுள்ளது மற்றும் மற்ற பழங்களை ஒப்பிடும்போது நாவல் பழம் ஒரு ஆரோக்கியமான உணவு மற்றும் குறைந்த கலோரி உணவு. நாவல் பழத்தில் கலப்பின வகைகள் விதையற்றவையாகும், அதேசமயத்தில் இயற்கை நாவல் பழத்தில் விதைகள் உள்ளது.



நாவல் பழம் நீரிழிவுக்கான சிறந்த சிகிச்சை உணவாக அறியப்படுகிறது.

ஆராய்ச்சியாளர்கள் நாவல் பழம் விதைகள் இரத்தில் உள்ள சர்க்கரையை குறைப்பதில் உதவுகிறது என்று கூறுகிறார்கள். நாவல் பழம் சாறு நீரிழிவு நோயை கட்டுப்படுத்த சாப்பிடும் உணவில் சேர்த்துக் கொள்ள வேண்டும்.

நாவல் பழம் மரத்தின் மரப்பட்டை நுரையீரல் கோளாறுகளுக்கு சிகிச்சையளிக்க உதவுகிறது. 1/2 டீஸ்பூன் மரப்பட்டை தூள் மற்றும் ஒரு கரண்டி சாறு சேர்த்து சாப்பிட்டு வந்தால் சிறுநீரக நோய்த்தொற்று மற்றும் சிறுநீரகம் செயலிழப்பதை தடுக்க முடியும். தண்ணீரில் கலந்து கூட மரப்பட்டை தூளை சாப்பிடலாம். தொற்று நோய் கட்டுப்படுத்தவும் நாவல் மர பட்டை உதவுகிறது.

நாவல் பழம் சாப்பிடுவது புற்றுநோய் ஆபத்தை குறைக்கிறது. நாவல் பழத்தில் பாலிபினால்களை, பைட்டோகெமிக்கல்கள் நிறைந்துள்ளது. இது புற்றுநோய் செல்களை எதிர்த்து போராடி அழிக்கிறது.

நாவல் பழத்தில் உள்ள ஆன்டோசியனின்கள், ஃபிளாவோனாய்டுகள், எலகாகிக் அமிலம் மற்றும் கேலிக் அமிலம் ஆகியவை உறுப்புகளில் புற்றுநோயைத் தடுப்பதற்கான திறனைக் கொண்டிருக்கின்றன. நாவல் பழத்தில் மருத்துவ குணங்கள் உள்ளன. இந்த பழத்தின் சாறு வாய் துர்நாற்றம் நீங்க உதவுகிறது.

சில இந்து கலாச்சாரங்களில் நாவல் பழம் மரத்தின் இலைகள், பட்டைகள் பயன்படுத்தப்படுகிறது. நாவல் பழ மர பட்டையை எரித்து சாம்பல் ஆக்கி பற்கள் துலக்கினால் பற்கள் வலிமை பல மடங்கு அதிகரிக்கும்.

Wednesday, 5 June 2019

தண்ணீர் மாறினால் தலை முடி கொட்டுமா?

வீடு மாறினோம், தண்ணி மாறுச்சு. தலை முடி கொட்டிப் போச்சு' - தண்ணீர் மீதான இந்தக் குற்றச்சாட்டை நாமெல்லாருமே வாழ்நாளில் ஒரு முறையாவது சொல்லி இருப்போம். உண்மையிலேயே தண்ணீர் மாறுவதற்கும் தலைமுடி உதிர்வதற்கும் சம்பந்தம் இருக்கிறதா? ஆயுர்வேத மருத்துவர் மகேஸ்வரராவிடம் கேட்டோம்.


``இதில் ஓரளவுக்கு மட்டுமே உண்மை இருக்கிறது. தண்ணீரில் கடினமானது, மென்மையானது என இரண்டு வகைகள் இருக்கின்றன. தொடர்ந்து மென்மையானதண்ணீரில் குளித்து வந்தவர்கள் திடீரென கடினமானதண்ணீரில் தொடர்ந்துகுளித்து வந்தால் தலைமுடிக் கொட்டத்தான் செய்யும். கடினமானதண்ணீரில் கால்சியம் உப்பு அதிகமாக இருப்பதுதான் இதற்குக் காரணம். இந்தத் தண்ணீரில் தொடர்ந்து தலைக்குக் குளிக்கும்போது தலைமுடி உலர்ந்து உதிர ஆரம்பிக்கும். இதுவே, கடினமான தண்ணீரில் குளித்து வந்தவர்கள் மென்மையான தண்ணீருக்கு மாறினால் முடிக் கொட்டாது.அதனால், தண்ணீர் மாறினால் தலைமுடிக் கொட்டும் என்று சொல்லிவிட முடியாது.


இதுவும்கூடஎல்லாருக்கும் நடக்கும் என்று சொல்ல முடியாது. தலைமுடியின் வேர்க்கால்கள் பலவீனமாக இருப்பவர்களுக்கு மட்டுமே இப்படி நடக்கும். இவர்கள், தண்ணீரைக் குறை சொல்வதை விட்டுவிட்டு சத்தான உணவுகளைச் சாப்பிட ஆரம்பிக்க வேண்டும்.


மற்றபடி, கடினமானதண்ணீரில்தான் தலைக்குக் குளிக்க வேண்டும் என்கிற நிலையில் இருப்பவர்கள்,குளித்து முடித்த பிறகு கடைசியாக ஒரு கப் மென்மையான தண்ணீரை தலையில் ஊற்றிக் கொண்டாலே, தலைமுடி உதிராது.

Sunday, 17 March 2019

மொபைல் போன்களை எப்படி பயன்படுத்த வேண்டும் என்று அறிவுரை


பகுதிநேர ஆசிரியர்களுக்கு தேர்தல் பணி



லோக்சபா தேர்தல் பணியில் பகுதி நேர ஆசிரியர்களையும் ஈடுபடுத்த தேர்தல் கமிஷன் உத்தரவிட்டுள்ளது.


லோக்சபா தேர்தல் அறிவிக்கப்பட்டுள்ள நிலையில் தற்போது பத்தாம் வகுப்பு, பிளஸ் 1, பிளஸ் 2 பொதுத்தேர்வுகள் நடக்கின்றன. மார்ச் 30ல் பிளஸ் 2, ஏப். 3ல் பத்தாம் வகுப்பு விடைத்தாள் திருத்தும் பணிகள் துவங்குகின்றன.தேர்தல் ஏப்.18 ல் நடக்கிறது. அதே நாட்களில் விடைத்தாள் திருத்தும் பணியும் நடக்கும். இதனால் தேர்தல் பணிக்கு ஆசிரியர் பற்றாக்குறை ஏற்படும் என தெரிகிறது. தொடக்கக் கல்வி மற்றும் நடுநிலைப் பள்ளிகளுக்கு ஏப்.,13 க்குள் மூன்றாம் பருவத்தேர்வுகளை நடத்தி முடிக்க தொடக்க கல்வி இயக்குனர் உத்தரவிட்டுள்ளார். அதன்பின் ஆசிரியர்கள் தேர்தல் பணியில் ஈடுபடுத்தப்படுவர்.

பற்றாக்குறையை சமாளிக்க பகுதி நேரமாக பணியாற்றும் ஓவியம், தையல், உடற்கல்வி ஆசிரியர்களையும் தேர்தல் பணியில் ஈடுபடுத்த கமிஷன் அனுமதி வழங்கியுள்ளது. அவர்களின் வாக்காளர் அடையாள அட்டை விபரத்தை வழங்க கல்வித்துறை அலுவலர்கள் உத்தரவிட்டுள்ளனர்.


துப்புரவுப் பணிகளில் நேரடி நியமன முறை ரத்து: உத்தரவை திரும்பப் பெற ஆசிரியர் சங்கம் வலியுறுத்தல்



அரசுப் பள்ளிகளில் துப்புரவுப் பணியாளர்கள் இனிமேல் வெளி முகமை (அவுட்சோர்சிங்) மூலமே நியமிக்கப்படுவார்கள் என்ற உத்தரவை தமிழக அரசு திரும்பப்பெற வேண்டுமென ஆசிரியர் சங்கங்ம் வலியுறுத்தியுள்ளது.

 இதுகுறித்து, இடைநிலை பதிவு மூப்பு ஆசிரியர் இயக்கத்தின் பொதுச் செயலாளர் ஜே.ராபர்ட் வெளியிட்ட அறிக்கை:
 தமிழகத்தில் பள்ளிக் கல்வித் துறையின் கீழ் 40,000-க்கும் அதிகமான அரசுப் பள்ளிகள் செயல்படுகின்றன. அங்கு துப்பரவுப் பணிகளை மேற்கொள்ள சிறப்பு காலமுறை ஊதியத்தில் பணியாளர்கள் நியமிக்கப்பட்டு வருகின்றனர். இவர்களுக்கு மாதம் ரூ.5,000 என்ற அளவில் ஊதியம் தரப்படுகிறது. இந்த நிலையில், பள்ளிக் கல்வித் துறை முதன்மைச் செயலர் பிரதீப் யாதவ் அண்மையில் வெளியிட்ட அரசாணையில், இனி வரும் காலங்களில் 2012-ம் ஆண்டு, மார்ச் 2-ஆம் தேதி வெளியிடப்பட்ட ஆணையின்படி உருவாக்கப்பட்ட, அனைத்து துப்புரவாளர் பணியிடங்களும் நிரப்பப்படாது. மேலும், சிறப்பு காலமுறை ஊதியத்தில் நியமிக்கப்பட்ட 2,213 துப்புரவுப் பணியாளர்களின் ஓய்வுக்குப் பிறகு, அந்தப் பணியிடங்கள் நிரப்பப்படாது.
 இனிமேல் துப்புரவுப் பணியிடங்கள் வெளிமுகமை (அவுட்சோர்சிங்) மூலமாக மட்டுமே நிரப்பப்படும். இதற்கான ஆணைகள் தனியாக பிறப்பிக்கப்படும் என்று கூறப்பட்டுள்ளது.
 துப்புரவு பணியாளர் குறித்து, பள்ளிக் கல்வித் துறை வெளியிட்ட அரசாணையின் மூலம், அடித்தட்டு பணியாளர்களிடம் இருந்து பாதிப்பு தொடங்கியுள்ளது. இவை மற்ற துறைகளுக்கும் தொடரும். இதன்மூலம், அனைத்து தொழிலாளர்களின் உழைப்புக்கு ஏற்ற ஊதியம் கிடைக்காது. குறைந்தபட்ச ஊதியம் கூட இல்லாமல் வாழ்வாதாரத்தை இழக்க நேரிடும். அரசுப் பணியிடங்களை தனியார் வசம் ஒப்படைக்கும் பட்சத்தில், இளைஞர்களின் எதிர்காலம் கேள்விக்குறியாகும். எனவே, தமிழக அரசு உடனே இந்த அரசாணையை ரத்து செய்து அனைத்துத் துறை சார்ந்த பணியிடங்களையும் காலமுறை ஊதியத்தில் நிரப்ப முன்வர வேண்டும் என அதில் குறிப்பிட்டுள்ளார். இதே கோரிக்கையை, இந்திய ஜனநாயக வாலிபர் சங்கம் உள்பட பல்வேறு அமைப்புகள் வலியுறுத்தியுள்ளன


100%ஓட்டு போட அழைப்பிதழ்.தேர்தல் ஆணையம் விழிப்புணர்வு



மதுரை சின்ன பிள்ளைக்கு பத்மஸ்ரீ விருது