Thursday, 19 March 2020

'கரோனா ஹேர் கட்டிங்" - எப்படியெல்லாம் யோசிக்கிறாங்க?






உலகம் முழுக்க நீயா நானா என மனித குலத்திற்கு சவால் விட்டு தனது அதிகார பரப்பை அதிகரித்து வருகிறது கரோனா வைரஸ்.       


துன்பம் வந்தால் சிரிங்க என்ற பழமொழிக்கேற்ப, இந்த தொற்று நோயான கரோனா வைரஸையும் பல வடிவங்களில் வெளிக்காட்ட தொடங்கிவிட்டனர் மக்கள். சினிமா நடிகர்கள் அணியும் உடைகள், அவர்களின் ஹேர் ஸ்டைல் போன்றவைகளை பின்பற்றி தங்களையும் அந்த நடிகர் ரேஞ்சில் காட்டிக்கொள்வதில் அலாதி பிரியம் உள்ள ரசிகர்கள், தற்போது கரோனா வைரஸையும் பின்பற்ற தொடங்கி உள்ளனர். 

நாமக்கல் மாவட்டம் குமாரபாளையத்தில் தனது மகனை சலூன் கடைக்கு கூட்டி சென்ற ஒருவர், நான் சொல்வது போல் முடி வெட்டு என சலூன் கடைக்காரரிடம் சொல்ல, அவரும் அதுபோலவே முடி வெட்ட தொடங்கினார். 

முடி வெட்டி முடித்து இறுதியில் பார்த்தால் அது மருத்துவர்கள் தற்போது காட்டிவரும் கரோனா வைரஸ் போன்ற படம். கரோனா வைரஸிடமிருந்து நாம் நம்மை பாதுகாத்துக் கொள்ள வேண்டும். அதேபோல் அந்த வைரஸ் தாக்கினால் உடனே உயிரிழப்பு என யாரும் அஞ்ச கூடாது என்ற விழிப்புணர்வுக்காகவே தன் மகன் தலைமுடியை கரோனா வைரஸ் படம் போல் வெட்டியதாக அவர் கூறியிருக்கிறார். எப்படியெல்லாம் யோசிக்கிறாங்க... தற்போது இது எல்லாமே பேஷனாகி விட்டது. இதுதான் இடுக்கண் வருங்கால் நகுக என்பதோ..?     

Saturday, 14 March 2020

நரை_முடியை_கருமையாக_மாற்ற, இயற்கையான_ஹேர்_டை



⭐அவுரி எண்ணெய் 

அவுரிப்பொடி நாட்டு மருந்துகளில் கிடைக்கும் அதனை வாங்கி நீரில் குழைத்து, சிறு வில்லைகளாகத் தட்டிக் காயவைத்து, நல்லெண்ணெய் அல்லது தேங்காய் எண்ணெயில் போட்டு, காய்ச்சுங்கள். பின் ஆற வைத்து அந்த எண்ணெயை உபயோகிக்கலாம். இதனால் வெள்ளை முடி நாளடைவில் கருமையாக மாறும்.

⭐வெற்றிலை மற்றும் மருதாணி

வெற்றிலை, பாக்கு, வெட்டிவேர், மருதாணி – இவை நான்கையும் அரைத்துத் தலையில் தடவி, சிறிது நேரம் ஊறவைத்து அலசவேண்டும். இதனால் கருமை பெறும்.

⭐எலுமிச்சை சாறு 

எலுமிச்சை சாறை தொடர்ந்து உபயோகிக்கும் போது வெள்ளை நிறம் மாறிவிடும். எலுமிச்சை சாறை தலையில் தேய்த்து கால் மணி நேரம் சூரிய வெளிச்சம் தலையில் படும்படி இருங்கள். அதன் பின் தலைக்கு குளித்தால் வெள்ளை நிறம் மட்டுப்படும்

⭐சோற்றுக் கற்றாழை 

சோற்றுக் கற்றாழை ஜெல், ஹென்னா, டீ டிகாஷன் – இவை மூன்றையும் கலந்து 3 மணி நேரம் அப்படியே ஊர வையுங்கள். பின்னர் அதனை தலையில் த்டவி 1 மணி நேரம் கழித்து குளித்தால் நிறம் மாறும்.

⭐செம்பருத்தி 

செம்பருத்தி இதழ்களை நீரில் போட்டு 10 நிமிடம் கொதிக்க விடுங்கள். பின் ஆற வைத்து வடிகட்டி, அந்த நீரை தலையில் தடவவும். அரை மணி நேரம் கழித்து தலையை அலசினால், பிரவுன் நிறத்தில் கூந்தல் ஜொலிக்கும்.

⭐வால் நட் 

வால் நட் ஓடுகளை பொடி செய்து நீரில் கொதிக்க வையுங்கள். பின்னர் இந்த நீரை தலையில் தேய்த்து அரை மணி நேரம் கழித்து கழுவவும். அடந்த பிரவுன் நிறத்தை தரும். இதை விட மிகச் சிறந்த கலரிங்க் செய்யும் இயற்கை டையை நீங்கள் பாக்க முடியாது. முயன்று பாருங்கள்.

⭐பீட்ரூட் சாறு 

பீட்ரூட் சாறு மற்றும் கருவேப்பிலை சாறு சம அளவு எடுத்து தலையில் தேய்த்து அரை மணி நேரம் கழித்து குளிக்கவும். இதனால் உங்கல் கூந்தல் தங்க நிறத்தில் அழகாய் மின்னும்.

Tuesday, 10 March 2020

உங்கள் முகத்தில் எண்ணெய் வடிகிறதா? உங்களுக்கான சிம்பிள் டிப்ஸ் இதோ!

சில ஆண்கள் மற்றும் பெண்களுக்கு குளிர் காலங்களில் எண்ணெய் வழிந்த முகம் இருக்கும். இன்னும் சிலருக்கு எப்போதும் எண்ணெய் வழிந்த முகமாக இருக்கும். எண்ணெய் சருமம் நம் முக அழகை கெடுப்பது மட்டுமில்லாமல், நம்மை எப்போதும் சோர்வாக காண்பிக்கும். இந்த எண்ணெய் சருமத்திலிருந்து நீங்கள் மீண்டு வர உங்களுக்கான இயற்கை வைத்திய குறிப்புகள் இங்கு தரப்பட்டுள்ளது.

அதிகமான எண்ணெய் உணவு பொருட்களை உட்கொள்பவர்களுக்கு சருமம் எண்ணெய் வடிந்து காணப்படும். சிலருக்கு இயற்கையாகவே சருமம் இப்படி இருக்கும். இதன் விளைவாக அவர்களுக்கு முகத்தில் பபருக்கள் வர ஆரம்பித்துவிடும். இதனை சரிசெய்ய உங்களுக்கான டிப்ஸ்.

.குறிப்பு -1

தேவையான பொருட்கள்:

தேன் – 2 ஸ்பூன்

வாழைப்பழம் – பாதி (பழுத்தது)

பப்பாளி துண்டு – 1

முதலில் வாழைப்பழம் மற்றும் பப்பாளியை நன்கு அரைத்துக் கொள்ளுங்கள். பிறகு இவற்றுடன் தேன் சேர்த்து நன்கு குழைத்துக் கொள்ளுங்கள். பின்பு இந்த கலவையை முகத்தில் பூசி அரை மணிநேரம் வரை காய வைக்க வேண்டும்.வெதுவெதுப்பான நீரில் உங்கள் முகத்தை கழுவிக் கொள்ளலாம். இதை வாரத்திற்கு ஒரு முறை செய்து வர வேண்டும். இப்படி செய்தால் உங்களுடைய எண்ணெய் சருமம் மறைந்து, முகம் பளிச்சென இருக்கும்.

குறிப்பு – 2

தேவையான பொருட்கள் :

ஆலிவ் ஆயில் – 1 ஸ்பூன்

முட்டையின் மஞ்சள் கரு – 2

  • இதை இரண்டையும் சேர்த்துகையில் நன்கு குழைத்துக் கொள்ளவும். இந்த இயற்கையான பேக்கை உங்கள் முகத்தில் அப்ளை செய்யலாம் பின்பு அரைமணி நேரம் வரை காத்திருக்க வேண்டும். இதை வாரத்திற்கு ஒரு முறை செய்யவேண்டும். சருமம் மின்னி பளிச்சிட செய்யும்.
  • முட்டை மற்றும் ஆலிவ் ஆயிலில் இருக்கும் வைட்டமின் – ஏ மற்றும் வைட்டமின்- ஈ எண்ணெய் பசை சருமத்தை மறைய வைத்து, முகத்திற்கு பளிச் நிறத்தை கொடுக்கும்.

குறிப்பு 3:

தேவையான பொருட்கள்:

அவகடோ – அரைப்பழம்

தேன் – 2 ஸ்பூன்

  • அவகடோ பழத்தை நன்கு மெல்லிசாக அரைத்துக்கொள்ளுங்கள். பின்பு அதனுடன் இரண்டு ஸ்பூன் தேன் கலந்து, அதை கலக்கிக் கொள்ளவும்
  • இதை உங்கள் முகத்திற்கு அப்ளை செய்து கொள்ளலாம். ஒரு அரை மணிநேரம் வரை காத்திருக்க வேண்டும். பின்பு குளிர்ந்த நீரால் முகத்தை கழுவிக் கொள்ளலாம். இது உங்கள் முகத்தை இளமையாக வைப்பது மட்டுமில்லாமல் மென்மையாகவும், குளிர்ச்சியாகவும் மாற்றிவிடுகிறது.
  • இதே போல் ஸ்ட்ராபெர்ரி பழத்துடன் தேனை கலந்தும், எலுமிச்சை சாறுடன் தேனை கலந்தும் முகத்திற்கு அப்ளை செய்வதால் எண்ணெய் சருமத்திலிருந்து விடுபட்டு நமக்கு பொலிவானதான, இளமையான சருமம் கிடைக்கும். இந்த இயற்கை வைத்திய முறைகளை நீங்களும் வீட்டில் ட்ரை செய்து பாருங்கள் தோழிகளே!

Sunday, 8 March 2020

காலை உணவிற்கு முன் மறந்தும் கூட இந்த பொருட்களை சாப்பிட்டு விடாதீர்கள்!!

காலை உணவு என்பது ஒருநாளின் ஆரோக்கியமான தொடக்கத்திற்கு மிகவும் அவசியமான ஒன்று. ஏனெனில் அந்த நாள் முழுவதும் சுறுசுறுப்பாக செயல்பட தேவையான ஆற்றலை வழங்குவது காலை உணவுதான். எனவே எக்காரணத்தை முன்னிட்டும் காலை உணவை தவிர்ப்பது என்பது கூடாது. காலை உணவு எந்த அளவிற்கு முக்கியமோ அதே அளவிற்கு என்ன உணவை காலை உணவாக எடுத்துக்கொள்கிறோம் என்பதும் முக்கியம்.

ஆரோக்கியமற்ற காலை உணவை உண்பதைப்போலவே சரியான காலை உணவை உண்ணாததும் உங்களின் ஆரோக்கியத்தை பாதிக்கும். அதேசமயம் காலை உணவிற்கு முன்னர் நீங்கள் என்ன சாப்பிட வேண்டும் என்பதிலும் கவனமாக இருக்க வேண்டும். ஏனெனில் காளி உணவிற்கு முன்னர் நீங்கள் எடுத்துக்கொள்ளும் சில உணவுகள் உங்கள் ஆரோக்கியத்தை வெகுவாக பாதிக்கும்.

வாழைப்பழத்தில் அதிகளவு பொட்டாசியம், பைபர் மற்றும் மக்னீசியம் உள்ளது, இதனால்தான் இதனை காலை உணவிற்கு முன் சாப்பிடக்கூடாது. அதிகளவு மக்னீசியம் இதை கோளாறுகளை உண்டாக்கக்கூடும்.

காலை உணவிற்கு முன் பேரிக்காய் சாப்பிடுவது உங்கள் வயிற்றின் உட்புற சதைகளை பாதிக்கக்கூடும், அதற்கு காரணம் அதிலுள்ள அதிகளவு பைபர். வயிற்றின் உட்புற சவ்வானது மிகவும் மென்மையானது. இதனால் அதிகளவு பைபரை தாங்க இயலாது. காலை உணவுக்கு முன் பேரிக்காய் சாப்பிடுவது அல்சரை உருவாக்கும்.

கேக்குகளில் செறிவூட்டப்பட்ட ஈஸ்ட் இருப்பதால் இதனை காலை உணவிற்கு முன் சாப்பிடுவது நல்லதல்ல. இது வயிற்றின் உட்புற சதைகளில் பாதிப்பை ஏற்படுத்தும். மேலும் இதில் உள்ள அதிகளவு சர்க்கரை காலை உணவிற்கு முன் வெறும் வயிற்றில் எடுத்துக்கொள்ளபடும்போது அது கல்லீரலில் பாதிப்பை ஏற்படுத்தும்.

ஜாமில் உள்ள சர்க்கரை மற்றும் டிரான்ஸ் கொழுப்புகள் உங்கள் ரத்தத்தில் உள்ள சர்க்கரையின் சமநிலையை பாதிக்கும். எனவே காலை உணவிற்கு முன் ஜாம் சாப்பிடுவது நல்லதல்ல. காலை உணவாக பிரட் மற்றும் ஜாம் சாப்பிடுவது பலருக்கும் வழக்கமாக இருக்கிறது. அதனை முற்றிலும் தவிர்ப்பது நல்லது

Monday, 2 March 2020

கண்களில் உண்டாகும் குளுக்கோமா அறிகுறிகளை குறைக்க இதை பயன்படுத்துங்க



சோம்பில் நார்ச்சத்து, பொட்டாசியம், ஃபோலேட், வைட்டமின் ஏ, பி, சி ஆகியவை உள்ளன. இதில் வைட்டமின் ஏ நிறைந்து இருப்பதால், கண் பார்வைக்கு நல்லது. 

குறிப்பாக கண்களில் உண்டாகும் குளுக்கோமா அறிகுறிகளை குறைக்க பண்டைய காலத்தில் சோம்பின் சாற்றை பயன்படுத்தினார்கள். இந்தியாவில் செரிமானத்திற்காகவும், இருமலுக்காவும் பயன்படுத்தப்படுகிறது.

Saturday, 29 February 2020

வண்ணாரப்பேட்டை-விம்கோநகர் மெட்ரோ ரெயில் சேவை ஜூலையில் தொடங்கும் - அமைச்சர் எம்.சி.சம்பத் தகவல்

சென்னையில் போக்குவரத்து நெரிசலை குறைக்க வண்ணாரப்பேட்டை-விமான நிலையம், சென்னை சென்டிரல்-விமான நிலையம், சென்டிரல்-பரங்கிமலை ஆகிய 3 வழித்தடங்களில் மெட்ரோ ரெயில்கள் இயக்கப்பட்டு வருகிறது. 

பயணிகளை கவருவதற்காக மெட்ரோ ரெயில் நிர்வாகம் பல்வேறு புதிய திட்டங்களை அறிமுகப்படுத்தி செயல்படுத்தி வருகிறது.அந்தவகையில் பயணிகளை கவருவதற்காக சென்னை சென்டிரல்-விமான நிலையம், சென்டிரல்-பரங்கிமலை இடையே உள்ள மெட்ரோ ரெயில் நிலையங்களிலும், இந்த வழித்தடத்தில் இயங்கும் ரெயில்களிலும் செல்லும் பயணிகள் தங்களது செல்போன் மூலம் இலவசமாக சினிமாக்களை பார்க்கும் வசதியும், வீடியோ கேம்களை விளையாடும் வசதியும் அறிமுகப்பட்டு உள்ளது.இந்த திட்டத்தின் தொடக்க விழா சென்னை சென்டிரல் மெட்ரோ ரெயில் நிலையத்தில் நேற்று நடைபெற்றது.இதேபோல் கிண்டி, ஆலந்தூர், பரங்கிமலை, நந்தனம் ஆகிய மெட்ரோ ரெயில் நிலையங்களில் ஏற்கனவே அமலில் இருக்கும் மின்சார ஸ்கூட்டர் வசதியும் சென்னை சென்டிரல் ரெயில் நிலையத்தில் நேற்று அறிமுகப்படுத்தப்பட்டுள்ளது.
தொழில்துறை அமைச்சர் எம்.சி.சம்பத், இந்த புதிய திட்டங்களை தொடங்கி வைத்தார். மெட்ரோ ரெயில் நிறுவனத்தின் இயக்குனர்(இயக்கம்) நரசிம்ம பிரசாத் வரவேற்றார். விழாவில் அமைச்சர் எம்.சி.சம்பத் பேசியதாவது:-

சென்னையில் தற்போது 45 கி.மீ. தொலைவுக்கு மெட்ரோ ரெயில் பாதை ஏற்படுத்தப்பட்டுள்ளது. இதில் தினமும் 1 லட்சத்து 20 ஆயிரம் பேர் பயணம் செய்கிறார்கள்.மெட்ரோ ரெயிலில் பயணம் செய்பவர்கள் தாங்கள் சென்றடைய வேண்டிய பகுதிக்கு எளிதாக செல்வதற்கு வசதியாக வாகன போக்குவரத்து வசதியும் மெட்ரோ ரெயில்களில் ஏற்படுத்தப்பட்டுள்ளது. 
இதை மேம்படுத்தும் வகையில் தற்போது மின்சார ஸ்கூட்டர் அறிமுகப்படுத்தப்பட்டுள்ளது.விம்கோநகர்-வண்ணாரப்பேட்டை மெட்ரோ ரெயில் திட்டப்பணி ரூ.3,770 கோடி மதிப்பில் நடைபெற்று வருகிறது. இந்த திட்டம் ஜூலை மாதத்தில் நிறைவு பெறும். ஜூலை மாதம் முதல் இந்த வழித்தடத்தில் மெட்ரோ ரெயில் சேவை தொடங்கும்.மாதவரம்-சோழிங்கநல்லூர் இடையே 52 கி.மீ. தொலைவில் மெட்ரோ ரெயில் சேவை திட்டம் நிறைவேற்றப்பட உள்ளது. கோயம்பேடு வழியாக இந்த திட்டம் செயல்படுத்தப்பட உள்ளது. இந்த பணிகளும் விரைவில் நிறைவு பெறும். இவ்வாறு அவர் கூறினார்.இதன்பின்பு அமைச்சர் எம்.சி.சம்பத் சென்னை சென்டிரலில் இருந்து எழும்பூர் வரை மெட்ரோ ரெயிலில் பயணம் செய்து ‘சுகர்பாக்ஸ்’ செயலி மூலம் சினிமா போன்றவற்றை பார்க்கும் வசதியை பயணிகள் மத்தியில் அறிமுகப்படுத்தினார்.

விழாவில் மெட்ரோ ரெயில் மேலாண்மை இயக்குனர் பங்கஜ்குமார் பன்சால், இயக்குனர் ராஜீவ்நாராயண் திவேதி உள்பட பலர் கலந்து கொண்டனர். 

Friday, 28 February 2020

வெயில் கால பிரச்சினைகளை போக்கும் கற்றாழை

இயற்கை மருத்துவத்தில் சிறந்து விளங்கும் கற்றாழையின் பயன்கள்...!!
கற்றாழை சிறந்த மருத்துவ மூலிகையாக நமது சித்த, ஆயுர்வேத மருத்துவத்தில் பயன்படுத்தப்பட்டு வந்திருக்கிறது. கற்றாழையில் இருக்கும் சில வேதிப்பொருட்கள் நச்சுத்தன்மை நிறைந்த ரசாயனங்களை செயலிழக்கச் செய்யும் தன்மை கொண்டதாகும்.

கற்றாழையின் சோற்றைத் தலையில் தேய்த்து அரை மணிநேரம் ஊறவைத்துக் குளிக்க தலையில் ஏற்படும் பொடுகு சிரங்கு குணமாகும்.

சோற்றுக் கற்றாழையின் மடலை இரண்டாகப் பிளந்து உள்ளே சிறிதளவு வெந்தயத்தை வைத்து மூடிவிடவும். இரண்டு நாட்கள் கழித்து ஊறிய அந்த வெந்தயத்தை எடுத்து தேங்காய் எண்ணெய்யில் போட்டு அதை புண்களின் மீது பூசி வர விரைவில் புண் ஆறும்.

கற்றாழை மடலில் சிறு துண்டு எடுத்து இரண்டாக பிளந்து சோற்றுப் பகுதியை தீயில் வாட்டி உடல் பொறுக்கும் சூட்டில் அடிப்பட்ட இடத்தில் இதை வைத்து ஒத்தடம் கொடுக்க வலி வீக்கம் மட்டுமல்லாமல் இரத்தக் கட்டும் மாறும்.

தினமும் காலையில் சிறிதளவு தோல் நீக்கிய கற்றாழையை ஜூஸ் போட்டோ அல்லது அப்படியே மென்று சாப்பிட்டு வந்தாலோ மலச்சிக்கல் நீங்கும். வயிறு, குடல்கள் போன்ற ஜீரண உறுப்புகளில் இருக்கும் பிரச்சனைகள் அனைத்தும் நீங்கும்.

கற்றாழை சோற்றை எடுத்து தண்ணீரில் நன்கு அலசி அதை சாப்பிட்டு வர குடல் புண், மூல நோய் மாறும். மலச் சிக்கல் தீரும்.

மஞ்சள் காமாலை நோய்க்கும் சோற்றுக்கற்றாழை மருந்தாக பயன்படுகிறது. தவிர கூந்தல் தைலம் அழகு சாதனப் பொருள்களில் இது சேர்க்கப்படுவதால் பொருளின் தரமும், வீரியமும் மட்டுமல்ல மருத்துவ தன்மையும் அதிகரிக்கிறது.

தினமும் காலை மற்றும் மாலை வேளைகளில் தோல் நீக்கிய கற்றாழை தண்டுகளை நன்கு அரைத்து, முகம் முழுவதும் பூசி கால் மணிநேரம் அல்லது அரைமணி நேரம் கழித்து முகம் கழுவினால் முகத்தில் இருக்கும் எண்ணெய் தன்மை நீங்கி முகம் பொலிவு பெறும். முகத்தில் இருக்கும் கரும்புள்ளிகள், வடுக்கள் மறையும்.

கற்றாழையை அடிக்கடி சாப்பிட்டு வருபவர்களுக்கு உடலில் இருக்கும் அனைத்து உறுப்புகளில் தேங்கியிருக்கும் நச்சுக்கள் அனைத்தும் வெளியேறி உடல்நலத்தை மேம்படுத்துகிறது.